MWEN KONTAN WE ZOT !

2012-01-31T16:32:00.000-05:00

Messié, Dam, sé MetoBôkay ka palé ba zôt!

Dé mo kat pawol pou di, mwen kontan wè zôt.

Sa ki MétéoBôkay ?

MétéoBôkay la pou di'w sa ka fèt an siel-la pa koté bô kay ou .. Pa koté bô kay manman'w si ou ka viv kay manman'w, sé memm bagay-la.. Lè ni mové tan lé zantiy, lè mové tan- an ka vini (dé lè i ja la .. ).

Mové tan, sé lè i ni siklon, zoraj, la pli ki pa ka fini, twop chalè, twop van, twop frédi, twop sab.. (Pa tout an sèl kou ...)

MétéoBôkay sé lé ni an palé bôkay, lokal, épi kréyol-la chak lè.. Mè tout moun pa sa li kreyol, ta mwen yan pa djè fô, é ni dé lè, i méyè en fwansé, pass kreyol-la pa ni an lo mo siantifik, fok mété an lo mo kreyol youn dèyè lôt, pou di an sèl mo siantifik fwansé, sa ka fè'w pèd tan ...

Alô MétéoBôkay, ka palé ba'w an lè Twitè (isiya too, ou la ka li mwen .. ) épi ti tak fwansé, ti tak anglé, ti tak kreyol, konsa, ki manniè i yé, zôt pé komprann .. ti tak.

MétéoBokay pa rèd pou li (sof jodi-a si zôt pa sa li kreyol ...) Man pa biswen izé an lo mo kompliké pou di zôt kon sa : "Siklon va vini an do'w, finmin kô'w kay ou "

Mé sa ka rivé ke man ka voyé zôt li an bagay, pli détayé an lè Internet. Ki y an anglé, ki y an fwansé, ni an lo chif matjé, an lo mo siantifik.. Mèmm si ni koulè pou i pli fasil, ni moun ki ka lité pou komprann, pass yo lé sav pa yo memm...

Mé si ou sèlmen lé sav si ou an danjé, ki ou komprann, ki ou pa komprann sa ki matjé kon fos van, fos lanmè, chimin, sa pa an pwoblem.

Dépi ou ka suiv sa sé ofisiel la ka di, ou pé sav li a tan, sové kô'w, sové zafè'w, alô i bon.

Sa té MétéoBokay pou sa ki sa li kreyol, mèmm lè i mal matjé .. Ou ja sav...

METEOBOKAY

MWEN KONTAN WE ZOT !